İran sürücüləri Gorus-Qafan yolunu kəsəcəkləri ilə hədələyirlər

Səbəb Azərbaycan qanunvericiliyinə görə rüsum tələb olunmasıdır

Source: Спутник-Армения

Səbəb Azərbaycan qanunvericiliyinə görə rüsum tələb olunmasıdır.

Bu rayonda hardasa 50 İran furası yığılıb.

Sürücülərin dediyinə görə, artıq üç gündür ki, yollarına davam edə bilmirlər, çünki rüsum ödəmək üçün pulları yoxdur.

Sentyabrın ilk iki həftəsi boyu Xankəndinə ərzaq və yanacaq-sürtkü materialları ilə dolu 60 İran furası gəlib. Azərbaycan tərəf deyir ki, iranlılar Xankəndinə fırıldaq yolla gedirlər. Onlar rusiyalı sülhməramlıların nəzarətində olan ərazidən keçib getmək üçün maşınların nömrələrini erməni nömrələri ilə əvəzləyirlər.

Ermənistan KİV-nin sentyabrın 16-da yaydığı məlumata görə, Ermənistan MTX Gorusdan Qafana gedən yolu İran yük maşınları üçün kəsib. İranlı sürücülərin çoxu Gorus istiqamətində gedən yolda pulları olmadığı üçün rüsum ödəməyiblər.

Ermənistan KİV-nin yazdığına görə, yük maşınlarını ona görə buraxmırlar ki, iranlı sürücülərin rüsum ödəmədikləri təqdirdə problemləri meydana gələ bilər.

Adıçəkilən yolun 20 km-dən çox hissəsi Azərbaycan ərazisinə düşür, Qubadlı rayonunun Eyvazlı kəndindən keçir. Məhz bu ərazidə Azərbaycan DİN və Dövlət Gömrük Komitəsinin xüsusi bölmələri yerləşdirilib.

Nəqliyyatın yoxlanışı İrandan gələn çoxsaylı yük maşınlarının Qarabağda rusiyalı sülhməramlıların nəzarətində olan ərazidən keçdikdən sonra başlayıb. İranlı sürücülərin marşrutu Gorus-Qafan yolundan da keçir.

Azərbaycan Dövlət Gömrük Komitəsinin əməkdaşları sentyabrın 12-dən İran avtomobillərinin sürücülərindən ölkə ərazisindən keçdikləri üçün rüsum tutmağa başlayıb.

Ana səhifəXəbərlərİran sürücüləri Gorus-Qafan yolunu kəsəcəkləri ilə hədələyirlər