Yeganə Əmiraslanova

Mənbə: Yeganə Əmiraslanovanın şəxsi arxivindən

Başlıq: Yeganə Əmiraslanova

Siyasi mühacir Bakıda hava limanında saxlanılıb (yenilənib)

Məqalə yeniləndi:  30 İyul 2021

23.50. Bir neçə il əvvəl siyasi mühacir kimi Almaniyaya getmiş, hazırda isə bu ölkənin vətəndaşı olan Yeganə Əmiraslanova iyulun 30-da Bakı Şəhər Prokurorluğunda bir neçə saat dindirilib. Bu barədə Meydan TV-yə onun ailə üzvləri məlumat verib.

Yaxınlarının sözlərinə görə, Yeganə Əmiraslanova Bakıya səhhətində ciddi problem olan qardaşına baş çəkmək üçün gəlmişdi. Onu Bakıda hava limanında saxlayıb, prokurorluğa aparıblar: “Ümumilikdə 10 saata yaxın saxlayıblar. Axşam saat 21 radələrində buraxıblar”.

***

Yeganə Əmiraslanovanın hara aparıldığı bilinmir

Siyasi mühacir kimi illər öncə Almaniyaya gedərək, orada oturum almış Yeganə Əmiraslanovanın iyulun 30-da Bakıda hava limanında saxlandığı bildirilir. “Müdafiə Xətti” insan haqları təşkilatından Meydan TV-yə verilən məlumata görə, Almaniyadan Bakıya gələn Yeganə Əmiraslanova hava limanında saxlanılaraq, naməlum istiqamətə aparılıb.

“Bundan əvvəlki təcrübələrə əsaslanıb güman etmək olar ki, Yeganə xanımı hüquq-mühafizə orqanlarından hansısa birinə - prokurorluğa, Mütəşəkkil Cinayətkarlığa Qarşı Mübarizə İdarəsinə, hətta istisna olunmur ki, Dövlət Təhlükəsizliyi Xidmətinə də apara bilərlər. Çünki xarici ölkələrdən deportasiya olunanları, yaxud illər sonra ölkəyə gələn mühacirləri aparıb dindirirlər, təzyiq göstərirlər. Yeganə Əmiraslanova ilə bağlı detallar məlum deyil. Bizdə olan məlumata görə, o, artıq Almaniyada vətəndaşlıq almışdı. Belə olan halda, səfirlik də məsələyə qarışacaq”, - təşkilatdan bildirilib.

Meydan TV hüquq-mühafizə orqanlarından məlumat əldə edə bilməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  30 İyul 2021
Bölmələr:  
qısa linklər:   http://mtv.re/3ozx9k

Ən çox baxılan