Source: Meydan TV

Deputatların pensiyası artırılır

Hadı Rəcəbli: “Deputatların əməkhaqqı artdı, amma pensiyada o artım olmadı”

“Yanvarın 1-dən pensiyada olan deputatların pensiyaları atacaq”.

Bunu Milli Məclisin Əmək və sosial siyasət komitəsinin sentyabrın 18-də keçirilən iclasında komitənin sədri Hadı Rəcəbli bildirib. O bildirib ki, deputatların əməkhaqqında olan artım pensiyada olanların da pensiyasında artıma səbəb olacaq: “Deputatların əməkhaqqı artdı, amma pensiyada o artım olmadı. Bu məsələ həll ediləcək”.

Qanunvericiliyə əsasən, pensiya yaşına çatmış sabiq deputat Milli Məclisin fəaliyyətdə olan deputatının orta aylıq əmək haqqının 80 faizi məbləğində pensiya alır və onun orta aylıq əmək haqqının artımındakı sonrakı dəyişikliklər həmin məbləğə şamil edilir.

Ötən ilin may ayında “Azərbaycan Respublikası Milli Məclisi deputatının statusu haqqında” qanuna dəyişikliyə əsasən, MM-in sədri 2475 manat, sədrin I müavini 2227 manat, Milli Məclis sədrinin müavini 2103, Milli Məclisin komitə sədri 1980 manat, komitə sədrinin müavini 1 856, sıravi deputat isə 1732 manat maaş alır.

Həmçinin parlamentarilər deputatlıq səlahiyyətlərinin yerinə yetirilməsi ilə əlaqədar xərclərin ödənilməsi üçün vəzifə maaşlarının 50 faizi məbləğində vergilərdən azad olunan aylıq pul təminatı alırlar. Bu məbləğ də nəzərə alınarsa, parlamentin sədri 3 min 712 manat 50 qəpik, sədrin I müavini 3 min 340 manat 50 qəpik, Milli Məclis sədrinin müavini 3 min 154 manat 50 qəpik, Milli Məclisin komitə sədri 2 min 970 manat, komitə sədrinin müavini 2 min 784 manat, sıravi deputat isə 2 min 598 manat maaş alır.

Bundan başqa, Milli Məclisin sədrinə onun birinci müavininə və müavinlərinə, Milli Məclisin komitə sədrlərinə və deputatlara deputatlıq səlahiyyətlərinin yerinə yetirilməsi ilə əlaqədar xərclərin ödənilməsi üçün vəzifə maaşlarının 50 faizi məbləğində vergilərdən azad olunan aylıq pul təminatı da verilir. Qanunvericiliyə əsasən, deputat nümayəndəlik səlahiyyətlərini yerinə yetirməsinə görə hər il özünün 2 aylıq vəzifə maaşı məbləğində müavinət alır. 2019-cu ildən parlanent üzvlərinin xarici və daxili səfər xərcləri ilə bağlı onlara ödənilən məbləğlər də artırılıb.

Azərbaycanda minimum əməkhaqqı sentyabrın 1-dən 250 manata qaldırılıb. Bu vaxta qədər isə 180 manat olub.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/9tcu4v

Most Viewed