Mənbə: Meydan TV

Yaralanan döyüşçülərin müharibə xatirələri

Yaralanan döyüşçülərin müharibə xatirələri

“Orada vəziyyət elə idi ki, döyüş gedə-gedə də bir-birimizlə zarafat edirdik. Elə olurdu ki, güllə gəlib ya kaskaya, ya dəbilqəyə ilişib dayanırdı. Onda da bir-birimizlə zarafatlaşırdıq. Ölümdən qorxmurduq. Ölümü özümüzə çox yaxın da bilirdik", - yaralanan döyüşçülər öz müharibə xatirlərini bölüşürlər.

Rütbəcə gizir olan Vüqar Mustafayev hərbi işçidir. O deyir, müharibəyə psixoloji olaraq hazır olub. Çünkü döyüşlərə 2-3 ay əvvəldən hazırlaşıblar: "27-si hücumlar oldu. Mənim özüm texnikada olduğuma görə, biz texnika ilə hərəkər elədik müəyyən yerə qədər. Sonrasında isə düşmənin güclü minalanmış sahələri və mühəndis maneələri var idi. Orada bizə çox ciddi problem yaratmışdılar, amma biz o problemləri də çox gözəl şəkildə keçdik. Özümüz də belə gözləmirdik".

5 ayın əsgəri olan Heydər Məsiyev isə 12 günlük hərbi təlimlərdə iştirak edib: "Həmin 12 gündə mənə elə bil ki, həyat dərsi keçiblər. O təlimlər olmasaydı, bəlkə də, heç o döyüşlərə girə bilməzdim”.

Hərbi xidmətini 2016-cı ildə başa vuran Toğrul Əliyev isə müharibəyə könüllü gedənlərdir. Deyir ki, ilk gedən gün 15-20 dəqiqə səs-küyün təsirində olub. Sonra onun üçün də hər şey adiləşib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/tcva6w

Ən çox baxılan