Mənbə: google

Türkiyədə koronavirusa yoluxanların sayı 18-ə çatıb

14 ölkəyə uçuşlar dayandırılıb

Türkiyədə koronavirusa yoluxanların sayı 18-ə yüksəlib. Ölkədə keçən həftə virus təsbit edildiyindən bu yana ən yüksək artım müşahidə edilib, - “Deutsche Welle” xəbər verib.

Keçən ilin dekabr ayında ortaya çıxan və bütün dünyaya yayılan koronavirusun Türkiyədəki vəziyyəti ilə bağlı Səhiyyə naziri Fahrettin Koca “Twitter” hesabından açıqlama yayıb.

“Az öncə açıqlanan və yeni olan yoluxma sayı 12-dir. Bunlardan ikisi ilk yoluxanın çevrəsindəndir. İndiyə qədər ümumi yoluxma sayı 18-dir”, - Səhiyyə naziri Koca deyib.

Koronavirus 162 mindən çox insanda təsbit edilsə də, 6000-dən çox insanın da ölümünə səbəb olub. Yoluxma hallarının 80,860-i Çindədir.

Türkiyə yoluxma hallarının artımından sonra 14 ölkəyə uçuş qadağası tətbiq edib. 15 martdan etibarən Azərbaycan, Almaniya, Fransa, İspaniya, Norveç, Danimarka, Belçika, Avstriya, İsveç, Hollandiyaya uçuşlar dayandırılıb.

Umrədən dönənlər şənbə günündən etibarən 4 günlük karantinə alınıb. Koronavirusun qarşısını almaq üçün gecə klubları da bugündən etibarən bağlanıb. Məktəblər və universitetlər 16 martdan etibarən tətildədir. Xəstəxanalara ziyarətçilərin daxil olması dayandırılıb. İdman yarışları 3 həftə ərzində izləyicilərsiz keçiriləcək. Mart və aprel aylarında milli və beynəlxalq tədbirlər və yığıncaqlar təxirə salınıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/gtlqux

Ən çox baxılan