Filmdən kadr

Mənbə: Foto: Meydan TV

Başlıq: Filmdən kadr

Müslüm Maqomayevin həyatından serial çəkilib

Müğənninin obrazını serbiyalı aktyor canandıracaq

Böyük kino internet servisi “КиноПоиск” “Магомаев” serialı ilə bağlı məlumat təqdim edib.

Məlumatda qeyd olunur ki, əfsanəvi Müslüm Maqomayev obrazını müəyyənləşdirmək üçün keçmiş SSR ölkələri arasında olan bir sıra istedadlı aktyorlar arasında kastinq aparılıb.

Nəhayət, seçim serbiyalı aktyor Miloş Bikoviç olub. Bu obrazın ona həvalə edilməsini Müslüm Maqomayevin həyat yoldaşı Tamara Sinyavskaya da dəstəkləyib.

Tamara Sinyavskaya özü çəkiliş heyətində düzəlişlər aparıb, serialda baş verən real hadisələrlə bağlı dolğun dəqiq məlumatlarını verib.

serialdan kadr

serialdan kadr

Mənbə: Meydan TV

Serialda Müslüm Maqomayevin mahnıları səsləndiriləcək. Tamaşaçılar həmçinin Tamara Sinyavskayanın ifasında “Karmen” operasından “Нежность” mahnısını dinləmiş olacaqlar. O cümlədən Müslüm Maqomayevlə Tamara Sinyavskayanın birgə dueti də səsləndiriləcək.

“Təbii ki, həmin səhnələrdə mən oxumuram”, - Bikoviç qeyd edib:

“Filmdə Müslüm Maqovayevin fonoqramı səsləndiriləcək. Düşünürəm ki, bu, çox doğrudur. Maqomayevə layiq oxuyan aktyor və ya müğənni tanımıram. Çəkilişlər zamanı Müslüm Maqomayevin yaradıcılığını kəşf etdim. Onun bütün ifaları gözəldir”.

“Магомаев” serialında Tamara Sinyavskayanın obrazını İrina Antonenko canlandırıb.

“Müslüm” serialı Rusiyanın Birinci kanalı və “Медиаслово” studiyası tərəfindən çəkilib.

Serialın çəkilişi zamanı

Serialın çəkilişi zamanı

Mənbə: Foto: Meydan TV

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/l0wjw7

Ən çox baxılan