Ceremi Korbin və Boris Conson

Mənbə: Foto: arxiv

Başlıq: Ceremi Korbin və Boris Conson

Leyboristlər Consonun Brexit planını “Tetçerizmə dönüş” adlandırıb

"Consonun mühafizəkarları üçün verilmiş hər bir səs bizim NHS-yə xəyanət etmək deməkdir"

İngilis müxalifəti Ceremi Korbin (Jeremy Corbyn) çərşənbə axşamı Baş nazir Boris Consonu tənqid edib. O, Consonu Brexiti Amerika tipli kapitalizmin daha sərt markası olaraq gündəmə gətirən Tetçerin tənzimləmə siyasətini aktivləşdirməkdə günahlandırıb, - “Reuters” xəbər verir.

İngiltərə dekabrın 12-də həm ölkənin Avropa Birliyindən planlı şəkildə ayrılmasının taleyini, həm də dünyanın beşinci böyük iqtisadiyyatının gələcəyini həll edə biləcək Milad seçkisinə doğru gedir.

70 yaşlı sosialist Korbin Brexiti Troyan atı olaraq istifadə edərək Birləşmiş Krallığın qlobal kapital üçün tənzimlənməmiş bir cənnətə çevrilməsini istədiyini qeyd edən Consonu və onun elitasını devirməyi təklif edib.

Mərhum Baş nazir Marqaret Tetçerin xatirəsini yad edən Korbin deyib ki, Conson ABŞ Prezidenti Donald Tramp ilə Milli Sağlamlıq Xidmətinin (NHS) hissələrini satacaq ticarət müqaviləsi bağlamaq niyyətindədir.

“Boris Consonun mühafizəkarlarının istədiyi şey Brexiti Tetçerizmi qaytarmaq üçün əldən verməkdir,” - Korbin Harlovda dəstəkçilərinə deyib. Harlov 2016-cı il referendumunda AB-ni tərk etməyin lehinə səs verib. Ölkə üzrə Avropa Birliyini tərk etmək istəyi 52% -48% nisbətində idi.

"Consonun mühafizəkarları üçün verilmiş hər bir səs bizim NHS-yə xəyanət etmək deməkdir," - o deyib:

“Onlar standartlarda və qorunmalarda ən aşağı rəqabəti dəstəkləyirlər. Bizim iqtisadiyyatı necə idarə etməli olduğumuzu amerikan modelinə tərəf yönəltmək istəyirlər”.

“Dəmir ledi” olaraq tanınan Tetçer Britaniya iqtisadiyyatını sərbəst bazar yönündə köklü şəkildə dəyişdirmişdi, lakin bəzi seçicilər həmkarlar ittifaqlarını dağıtdığı və sənaye sahələrini özəlləşdirdiyi üçün Tetçerə nifrət edirdi.

Conson dəfələrlə NHS-nin danışıqlar masasında olmamalı olduğunu söyləyib. Onun ən böyük nazirlərindən biri Michael Gove Korbinin Amerika dərman şirkətlərinin NHS-nin hissələrini əldə edə biləcəyinə dair dediklərini “bu, 52 ildir eşitdiyim ən gülünc cəfəngiyyatdır”- deyə, xarakterizə edib.

Ötən həftə əvvəlcədən hər şeyin ticarət danışıqlarında müzakirə olunacağını söyləyən Tramp leyboristlərin NHS-nin ələ keçiriləcəyi ilə bağlı iddialarını rədd edib.

Bir çox yüksək səviyyəli leyboristin Avropa Birliyini tərk etməsinə qarşı qəti mövqe tutmaq çağırışlarını rədd etdikdən sonra Korbin siyasətini Consonun 31 oktyabr Brexit vədini yerinə yetirməməsinə və mənzil çatışmazlığı kimi daxili problemləri həll etməyə yönləndirib.

Rəy sorğularında partiyası mühafizəkarlardan sonra gələn Korbin Avropa Birliyi ilə münasibətlərini necə həll etməsindən asılı olmayaraq, Brexitin İngiltərənin necə bir ölkəyə çevirəcəyi ilə bağlı müzakirələri yönəltməyə çalışır.

Korbin seçiləcəyi təqdirdə Avropa Birliyi ilə yeni razılaşma əldə edəcəyini, İngiltərəni blokla iqtisadi baxımdan daha yaxın tutacağını və işçiləri qorumaq üçün daha çox iş görəcəyini deyib. O qeyd edib ki, daha sonra yeni bir referendum təşkil edərək Brexiti xalqın ixtiyarına verəcək.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/j4k77r

Ən çox baxılan