Sergey Lavrov

Mənbə: Meydan TV

Başlıq: Sergey Lavrov

Lavrov Azərbaycanla Ermənistanı atəşkəsə əməl etməyə çağırıb

Rusiyanın XİN rəhbəri: "Moskva razılaşmasına əməl etmək vacibdir"

Rusiyanın Xarici işlər naziri Sergey Lavrov Ermənistan və Azərbaycanın xarici işlər nazirləri ilə telefonla danışıb.

Oktyabrın 17-də baş tutan telefon danışığında Qarabağdakı son vəziyyət müzakirə edilib.

Bu barədə Rusiyanın Xarici İşlər Nazirliyinin saytında məlumat verilib.

Lavrov həm Ermənistanın xarici işlər naziri Zöhrab Mnatsakanyanı, həm də Azərbaycanın Xarici işlər naziri Ceyhun Bayramovu Moskva razılaşmasına əməl etməyə çağırıb.

"Rusiya XİN rəhbəri tərəflərin humanitar məqsədlər üçün atəşkəsə dair Moskva razılaşmalarına ciddi əməl edilməsinin vacibliyini vurğulayıb", - xəbərdə deyilir.

Sentyabrın 27-dən Azərbaycanla Ermənistan arasında münaqişə yenidən kəskinləşib, hazırda Qarabağda döyüşlər gedir.

Azərbaycan Cəbrayıl, Füzuli şəhərlərini, Hadrutu, onlarla kəndi, əhəmiyyətli yüksəklikləri işğaldan azad etdiyini bildirir.

Oktyabrın 10-da tərəflər Moskvada Sergey Lavrovun iştirakı ilə humanitar atəşkəs haqda razılıq əldə etsələr də, tərəflər atəşkəsin pozulmasında bir-birini ittiham edirlər.

Oktyabrın 16-dan 17-nə keçən gecə Ermənistan ordusu Gəncə şəhərinə "Elbrus” ballistik raketi atıb.

Son məlumatlara görə, 15 mülki şəxs həlak olub, 52 nəfər yaralanıb. Axtarış-xilasetmə işləri davam edir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/5gmcht

Ən çox baxılan