Prezident Barham Salih

Mənbə: Foto: google.az

Başlıq: Prezident Barham Salih

İraq ABŞ-ın hərbi hava hücumlarını qınayıb

“Bu hücumun Taji bazasını hədəf alan təcavüzə cavab olaraq baş verməsi bir bəhanədir”

İraq cümə günü ABŞ hərbi hava hücumlarını qınayıb. Altı nəfərin öldürüldüyü hücumu Bağdad tərəfindən suverenliyin pozulması və xalqa qarşı yönəlmiş təcavüz kimi xarakterizə edib, - “Reuters” xəbər verir.

Prezident Barham Salih deyib ki, təkrarlanan bu cür hücumlar İraqı uğursuz dövlətə çevirməklə yanaşı İslam Dövləti silahlılarını yenidən canlandıra bilər.

Xarici İşlər Nazirliyi ABŞ və İngiltərə səfirlərini çağırıb və qeyd edib ki, hava hücumlarının nəticələri olacaq.

Birləşmiş Ştatlar deyib ki, hava hücumu İraqda İranın dəstəklədiyi qruplaşmaya qarşı olub və səbəb bu qruplaşma tərəfindən həyata keçirilmiş hücum olub. Bir neçə gün əvvəl həyata keçirilmiş hücum nəticəsində iki Amerika əsgəri və bir ingilis əsgəri öldürülüb.

ABŞ və İran arasındakı uzun müddət davam edən düşmənçilik son aylarda əsasən İraq torpaqlarında daha da canlanıb.

“Bu hücumun Taji bazasını hədəf alan təcavüzə cavab olaraq baş verməsi bir bəhanədir; bu bəhanə eskalasiyaya səbəb olur və həll yolu təklif etmir”, - İraq komandiri deyib.

ABŞ hava hücumlarında öldürülən 6 nəfərlə yanaşı, 12 nəfər də yaralanıb. İnfrastruktur, silah və hərbi texnika məhv edilib.

Pentaqon bildirib ki, hücum Kataib Hizbullah tərəfindən istifadə edilən beş silah anbarını hədəf alıb. Həmçinin bildirilib ki, ABŞ-ın rəhbərlik etdiyi koalisiya qüvvələrinə edilən hücumlarda istifadə olunan silahların məhv edilməsi əsas hədəf olub.

İraqa aid rəsmi rəqəmlərdə heç bir hərbçinin öldürülmədiyi göstərilir. Hərbçilər ilkin məlumata görə, üç əsgər, iki polis və bir mülki şəxsin öldüyünü, dörd əsgərin, iki polisin, bir mülki şəxsin və beş silahlının yaralandığını deyib.

İraqın dini idarələri bildirib ki, şiə müsəlmanların müqəddəs şəhəri Kərbalanın hava limanının inşasında iştirak edən işçilər hücum zamanı öldürülüb. Onlar arasında yaralanan da var.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/w9tbw6

Ən çox baxılan