Mənbə: google

İranda daha iki nəfər koronavirusdan ölüb

Məqalə yeniləndi:  22 Fevral 2020

Yoluxma halları Qum şəhəri ilə bağlıdır

İranın səhiyyə qurumları cümə günü koronavirusdan daha iki nəfərin öldüyünü və ölənlərin sayının dördə çatdığını bəyan edib.

“The New York Times” xəbər verir ki, ölənlər virusa yoluxan yeni 13 insan arasında olub.

Ümumilikdə bu günə qədər İranda ölən dörd nəfər də daxil olmaqla 18 koronavirus halı qeydə alınıb.

Səhiyyə Nazirliyinin sözcüsü Kianuş Cahanpur (Kianoush Jahanpour) yeni aşkarlanan yoluxma hallarının hamısının Qum şəhəri ilə bağlı olduğunu deyib. Cahanpur deyib ki, yeni yoluxmuş insanlar ya Qumdandır, ya da onlar bu yaxınlarda həmin şəhərdə olublar. Onun sözlərinə görə, onlardan dördü paytaxt Tehranda, ikisi şimal Gilan əyalətində xəstəxanaya yerləşdirilib. İranın Səhiyyə Nazirliyinin rəsmisi Minoo Mohraz ehtimal edib ki, virus Qumda işləyən və Çinə qayıdan çinli işçilərdən keçib. O, bu haqda daha ətraflı məlumat verməyib. Bir Çin şirkətinin Qumda günəş elektrik stansiyası inşa etdiyi bildirilir.

Səhiyyə naziri Hamad Hassan cümə günü bildirib ki, Livanda koronavirusun ilk hadisəsi də Qum şəhəri ilə bağlıdır. Belə ki, 45 yaşlı xəstə cümə axşamı Qumdan gələn qadın olub. O, qadının “vəziyyətinin yaxşı olduğunu” və nazirliyin xəstəlikdə şübhəli bilinən digər iki şəxsi nəzarətə aldığını bildirib. Qadın və digər iki xəstəliyə yoluxduğu iddia edilən şəxsin Beyrutdakı Rafik Hariri hökumət xəstəxanasında karantində olduğu bildirilir.

Virusun İrana yayılması ilə bağlı narahatlıq bu həftə İranın hökumət nümayəndələrini Tehrandan təxminən 130 kilometr cənubda yerləşən Qumda bütün məktəb və şiə seminariyalarını bağlamağa məcbur edib. Bundan öncə İran koronavirusun episentri olan Çinin Vuhan şəhərindən 60-a yaxın iranlı tələbəni evakuasiya etmişdi. Tələbələr ölkəyə qayıtdıqdan sonra karantinə alınmış və 14 gün sonra heç bir problem müşahidə edilmədiyi üçün xəstəxanadan buraxılmışdılar. Qum din elmlərinin öyrənildiyi tanınmış məktəblərin yerləşdiyi şiə şəhəridir və buraya İraq, Pakistan, Əfqanıstan və Azərbaycandan tələbələr təhsil almağa gəlirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  22 Fevral 2020
Bölmələr:  
qısa linklər:   http://mtv.re/hhn8cw

Ən çox baxılan