Mənbə: IPHR - MEYDAN TV

Gənc Səslər

Məqalə yeniləndi:  19 Fevral 2021

Meydan TV və IPHR “Gənc Səslər” proqramı üçün müraciət etməyə çağırır. Bu müraciət hazırda ölkədə baş verən mülki, sosial, mədəni və siyasi mövzularda gənclərin baxışı ilə yazılmış tematik materiallar hazırlamaq istəyən, Azərbaycandan olan jurnalistlər, yazıçılar, blogerlər və məzmun yaradıcılarına yönəldilib.

Proqram gənc məzmun yaradıcılarına beynəlxalq şöhrət qazanmaqla yanaşı, peşəkar mentorluqdan faydalanmaq fürsəti də təqdim edir.

Müraciət edənlərdən bir ərizə formasını doldurmaları və yazacaqları bir media işində vurğulamaq istədikləri bir fikri təqdim etmələri istənəcəkdir.

Buraya ilkin potensial mövzular daxil edilsə də, aşağıdakılarla məhdudlaşmır:

Ekoloji ədalət

Yoxsulluq və digər sosial problemlər

Təhsil almaq haqqı

Mədəni haqlar

Xüsusi ehtiyacı olan insanlar

Mənzil və mülkiyyət hüquqları

Din və etiqad azadlığı

İctimai sahələrin özəlləşdirilməsi ·

Gender bərabərliyi

LGBTQ + hüquqları

Korrupsiya və digər siyasi problemlər

İfadə azadlığı

Proqram aylıq olaraq Azərbaycan və ingilis dillərində hazırlanan ümumilikdə 18 orijinal media hekayəsini yayımlayacaq. Müəlliflərin son seçimi maksimum fikir müxtəlifliyini əhatə etməyə, cinsi tarazlığı təmin etməyə və janr müxtəlifliyinə (məqalələr, video hekayələr, multimediya hekayələri, cizgi filmləri, satira və s.) icazə verməyə cəhd edəcək. İştirakçılar məqalələri öz adları və/və ya istədikləri ləqəb ilə dərc edə bilərlər.

Meydan TV-nin redaktorları araşdırma, hazırlama və redaktə prosesi zamanı iştirakçılara mentorluq edəcək. Ortaya çıxan media işləri Meydan TV-də və IPHR-in bloqunda yeni multimedia rubrikasının bir hissəsi kimi yerləşdiriləcək. Proqram, ortaya çıxan jurnalistlərə ölkənin aparıcı media qurumunun rəhbərliyi altında etibarlı şəkildə işə başlamaqlarına imkan verəcəkdir. Eyni zamanda, proqram müxtəlif, yenilikçi və cəlbedici formatlarda olan insan hüquqları ilə bağlı mövzular haqqında ictimaiyyəti daha da məlumatlandıracaq. Proqramın sonunda ən yaxşı məqalənin müəllifi mükafata layiq görüləcək. Qalib Meydan TV, IPHR və dəvət edilmiş mütəxəssislərin ortaq şəkildə apardığı şəffaf qiymətləndirmə ilə müəyyənləşdiriləcək.

Müraciət üçün son tarix 28 fevral 2021-ci ildir.

ƏRİZƏ FORMASI: https://docs.google.com/forms/d/e/1FAIpQLSepYxu2bnwjtyBZYBxy3G6dg-6KAuNcnROY9sCrKmXP1SaEKA/viewform?usp=sf_link

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  19 Fevral 2021
Bölmələr:  
qısa linklər:   http://mtv.re/jim9ul

Ən çox baxılan