Qaçqınların və Məcburi Köçkünlərin İşləri üzrə Dövlət Komitəsi

Mənbə: Meydan TV

Başlıq: Qaçqınların və Məcburi Köçkünlərin İşləri üzrə Dövlət Komitəsi

Füzuli sakinləri: Məcburi köçkünlərə verilən yardımın bir hissəsi kəsilib

Məqalə yeniləndi:  26 Fevral 2021

"Pulun “Yaşat” Fonduna dəstək məqsədilə tutulduğunu dedilər"

Məcburi köçkünlərə verilən vahid aylıq müavinətin bir hissəsi kəsilib.

Füzulinin Arayatlı kənd sakinlərinin Meydan TV-yə verdiyi məlumata görə, vətəndaşların aldığı puldan 5, hətta 10 manat kəsilib.

Bunu “Yaşat” Fonduna dəstək məqsədilə edildiyi bildirilib.

“İcra nümayəndəliyinin qarşısına toplaşan adamlar narazılıq edir. Elə adam var ki, 10 manat pulunu kəsiblər. Həmin pulu bizə verirlər ki, yaşayışımız düzəlsin. Daha insanların cibinə niyə girirlər?” - kənd sakini deyib.

İqtisadçı Qubad İbadoğlu da “Facebook” profilində məsələ ilə bağlı status yazıb: “36 manat (kommunal xərclərdən güzəşti olmaqla) və 60 manat (kommunal xərcləri ödəməklə) çörək pulu alan məcburi köçkünlərin ödənişləri 5 manat çıxılmaqla verilib. İzahı belədir ki, 5 manat “Yaşat” Fonduna gedib. Bu qədər də ucuzluğuna getmək olmaz. 150 milyard dollar neftdən net qazancı olan, 300 milyard dollar sərmayə cəlb olunan, 1 tunelin tikintisinə 512 milyon dollar xərcləyən ölkənin vətəndaşlarının ən aztəminatlı təbəqələrinə ödənilən çörək pullarından onların razılığı olmadan 5 manat kəsmək rəzalətin son həddidir”.

Qaçqınların və Məcburi Köçkünlərin İşləri üzrə Dövlət Komitəsinin mətbuat xidmətindən məlumatın həqiqəti əks etdirmədiyi bildirilib: “Məcburi köçkünlərə verilən vahid aylıq müavinətdən “Yaşat” fondu üçün vəsait tutulmayıb. Müvafiq qayda əsasında, hər bir məcburi köçkün üçün ayrılmış vəsait onun üzvü olduğu ailənin başçısının adına açılan bank hesab kartına köçürülür. Müqavilə öhdəliyinə görə, bank tərəfindən yalnız kart hesabına illik xidmət haqqı ödənilməsi nəzərdə tutulub”.

“Yaşat” Fondundan da məlumatı təkzib ediblər. "Yaşat" Fondunun müdir müavini Rəbiyyə Cəfərova deyib: "“YAŞAT” Fondunun mövqeyi ilk gündən budur ki, Fonda ianələr yalnız könüllü şəkildə ola bilər".

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  26 Fevral 2021
Bölmələr:  
qısa linklər:   http://mtv.re/j4v5es

Ən çox baxılan