"Eurovision-2020”

Mənbə: Foto: https://eurovision.tv/

Başlıq: "Eurovision-2020”

"Eurovision-2020” təxirə düşdü

Müsabiqənin gələn il keçirilib-keçirilməyəcəyi müzakirə olunacaq

"Eurovision-2020” mahnı müsabiqəsi koronavirusa görə təxirə salınıb.

Bu barədə mahnı yarışmasının saytında məlumat yerləşdirilib.

Təşkilatçılar təəssüflə bildiriblər ki, Rotterdamda keçiriləcək “Eurovision 2020” mahnı müsabiqəsi ləğv olunur.

“Son bir neçə həftə ərzində “Eurovision” Mahnı Müsabiqəsinin irəliləməsinə imkan yaratmaq üçün bir çox alternativ variantları araşdırdıq. Ancaq COVID-19-un Avropaya yayılması ilə yaranan qeyri-müəyyənlik və iştirak edən yayımçı ölkələrin hökumətləri və Niderland hakimiyyəti tərəfindən qoyulan məhdudiyyətlər yarışmanın davam etməməsi qərarını almağımıza vadar elədi. Sənətçilərin, işçilərin və ziyarətçilərin sağlamlığı bizim üçün vacib olduğundan “Eurovision 2020” təxirə salmalı olduq. Biz çox qürur duyuruq ki, “Eurovision” Mahnı Yarışması 64 il ərzində fasiləsiz olaraq hər il tamaşaçıları birləşdirirdi və biz dünyada milyonlarla insan kimi tədbirin may ayında reallaşmayacağından çox kədərlənirik”.

Sonda qeyd olunub ki, gələn il Rotterdam şəhərində “Eurovision” Mahnı Müsabiqəsinin keçirilməsinin mümkün olub-olmadığını müzakirə edəcəklər.

“Eurovision-2020” müsabiqəsi 12-16 may tarixlərində Niderlandın Rotterdam şəhərində keçiriləcəkdi. Azərbaycanı müsabiqədə Samirə Əfəndi “Kleopatra” mahnısı ilə təmsil edəcəkdi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ccsfwp

Ən çox baxılan