Gədəbəy Rayon Prokurorluğu

Mənbə: Foto: google.az

Başlıq: Gədəbəy Rayon Prokurorluğu

Əli Babayev Gədəbəyin prokuroru oldu

Məqalə yeniləndi:  20 May 2020

Müstəntiq olarkən onun adı siyasi işlərdə hallanırdı

Gədəbəyə yeni prokuror təyin edilib. O, Baş Prokurorluğun Ağır Cinayətlərə dair İşlər üzrə İstintaq İdarəsinin xüsusilə mühüm işlər üzrə müstəntiqi Əli Babayevdir.

Məlumatı Baş Prokurorluğun mətbuat xidməti yayıb.

Xəbərə görə, Azərbaycan Respublikasının Baş prokuroru Kamran Əliyevin imzaladığı əmrlərlə Əli Babayev vəzifədən azad olunaraq Gədəbəy rayon prokuroru təyin edilib. Samux rayon prokuroru vəzifəsini icra edən Mayıl Hacıyev isə prokuror vəzifəsinə təyin edilib.

Əli Babayevin adı daha çox siyasi işlərdə hallanır. O, Meydan TV işi ilə bağlı açılmış cinayət işində istintaq qrupunun rəhbəri olub.

2016-cı ildə Meydan TV-yə qarşı Baş Prokurorluğunun Ağır Cinayətlərə dair işlər üzrə istintaq idarəsində cinayət işinin başlanması rəsmi təsdiq olunmuşdu. Həmin cinayət işində 15-dən çox jurnalistin adı keçirdi.

Həmçinin araşdırmaçı jurnalistlər Xədicə İsmayıl və Əfqan Muxtarlı ilə bağlı açılmış cinayət işlərində də Əli Babayev istintaq qrupunda təmsil olunub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  20 May 2020
Bölmələr:  
qısa linklər:   http://mtv.re/ty9p8x

Ən çox baxılan