Mənbə: Meydan TV

“Bank heç bir şərtimizi qəbul etmir”

“Bank heç bir şərtimizi qəbul etmir”

Cavad Camalov Ramana qəsəbəsində yerləşən evini 2013-cü ildə “AFB Bank”a girov qoyub.

O, 2015-ci ilə kimi ödənişi vaxtlı-vaxtında etsə də, devalvasiyadan sonra pulu ödəyə bilməyib.

Şikayətçi bildirir ki, sənəddə evin həcmi 47 kvadratmetr göstərilsə də, ümumi artırmalarla birgə ev 250 kvadratmetrə yaxındır. Bu artırmalar əmlak girov qoyulana qədərki müddətdə edilib.

Hazırda “AFB Bank” ya ödənilməmiş borcun ümumi məbləğini, ya da evin hamısını tələb edir. Bu məbləğ isə 43000 manat edir.

Cavad Camalovun valideynləri Qarabağ müharibəsi veteranlarıdır. Onlar öncə Ermənistandan, sonra isə Şuşadan məcburi köçkün olublar.

Ailə prezidentdən və Birinci vitse-prezidentdən kömək istəyir.

Hüquqşünas, bank üzrə ekspert Əkrəm Həsənov problemin kökünü qanunsuz tikililərdə və evlərin sənədləşməsinə mane olan məmur özbaşınalığında görür. O bildirir ki, bankın bu məsələdə faktiki qanun pozuntusu yoxdur. Çıxış yolu isə əmlakın satılması, yaxud bankın vətəndaşa könüllü güzəşt getməsi ola bilər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/k4ev5c

Ən çox baxılan