Milli Şuranın Məhsul stadionunda keçirilən mitinqi (arxiv)

Mənbə: Meydan.TV

Başlıq: Milli Şuranın Məhsul stadionunda keçirilən mitinqi (arxiv)

Milli Şura Lökbatanda mitinq keçirməyəcək

Məqalə yeniləndi:  26 Sentyabr 2019

Bakı Şəhər İcra Hakimiyyəti Milli Şuranın sentyabrın 28-də mitinq keçirməklə bağlı müraciətinə cavab verib.

İcra hakimiyyəti Milli Şuraya cavab məktubunda Lökbatan qəsəbəsi, 28 may küçəsi, “Neftçi” idman klubunun Qaradağ təlim idman bazasını göstərib.

Milli Şura müraciətində “28 may” metrostansiyasını, Nərimanov parkını və Tofiq Bəhramov stadionunun qarşısını qeyd etmişdi.

AXCP sədri Əli Kərimli şəhər icra hakimiyyətinin cavab məktubunu hakimiyyətin qorxaqlığı kimi xarakterizə edib:

“Açıq-aşkar Bakıda mitinq keçirməyimizdən qorxurlar. Konstitusiyanı, qanunu tapdalayıb, mitinq müraciətimizə vaxtında (mitinqə 3 iş günü qalmış) cavab vermədilər. Mitinqə cəmi 1 iş günü qalmış – indi bizə cavab veriblər. Bakı Şəhər İcra Hakimiyyəti 28 sentyabr mitinqinə Qaradağ rayonu, Lökbatan qəsəbəsində razılıq verib. Həm Milli Şurada, həm də AXCP Rəyasət Heyətində bu variantı əvvəlcədən müzakirə etmişdik. Lökbatanda və ya şəhərdən kənar hər hansı qəsəbədə mitinq keçirməyəcəyik. Lökbatanda mitinq keçirmək təklifini əslində mitinqə “yox” demək kimi qiymətləndiririk. Aydındır ki, bu şəraitdə 28 sentyabr mitinqini keçirmək alınmayacaq. Ancaq belə də davam edə bilməz. Etiraz aksiyaları keçirilməlidir və keçiriləcək”.

Əli Kərimli əlavə edib ki, AXCP və Milli Şurada müzakirələrdən sonra növbəti qərarları barədə ictimaiyyətə məlumat veriləcək.

Milli Şuranın 19 yanvar mitinqindən sonra şəhər rəhbərliyi aksiyalarla bağlı müraciətlərə rədd cavab verib.

Lökbatan qəsəbəsi, 28 may küçəsi, “Neftçi” idman klubunun Qaradağ təlim idman bazası

Lökbatan qəsəbəsi, 28 may küçəsi, “Neftçi” idman klubunun Qaradağ təlim idman bazası

Mənbə: Google Maps

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  26 Sentyabr 2019
Bölmələr:  
qısa linklər:   http://mtv.re/4hr7sz

Ən çox baxılan