Andrey Rudenko

Mənbə: google.az

Başlıq: Andrey Rudenko

Andrey Rudenko: Sülhməramlıların sayının artırılması gündəmdə deyil

"Status məsələsi çox həssasdır"

Qarabağda rusiyalı sülhməramlıların sayının artması barədə məsələ hələ ki gündəmdə deyil.

Bu barədə Rusiya Xarici işlər nazirinin müavini Andrey Rudenko RİA Novosti agentliyinə danışıb.

Nazir müavini deyib ki, Rusiyalı sülhməramlıların sayı üç prezidentin bəyanatına uyğun müəyyənləşdirilib: “Hazırda belə bir məsələ qaldırılmayıb”.

Eyni zamanda, Andrey Rudenko status məsələsinə toxunub: “Moskva ümid edir ki, Bakının Dağlıq Qarabağın xüsusi statusunu müzakirə etməkdən imtina etməsi regionda münaqişənin yeni dalğasına səbəb olmayacaq”.

Dağlıq Qarabağın statusunun həlli üçün hansısa müddətinin mövcud olub-olmaması ilə bağlı suala cavabı isə nazir müavini belə cavab verib: “Xeyir, bunun müddəti yoxdur. Status məsələsi çox həssasdır”.

Nəşr yazır ki, sülhməramlılar kontingenti çərçivəsində cəmi 1960 hərbi qulluqçu olacaq.

Rusiyalı sülhməramlılar Laçın dəhlizini və Dağlıq Qarabağda Stepanakertə qədər olan sahəni minadan təmizləyib.

Bu sahədə vətəndaşların avtomobil nəqliyyatı hərəkəti bərpa edilib. Stepanakertə 1,2 mindən artıq qaçqın qayıdıb.

Noyabrın 9-u Rusiya, Ermənistan və Azərbaycan liderləri birgə bəyanat qəbul edib.

Həmin bəyanata görə, noyabrın 10-dan etibarən Qarabağda müharibə dayandırılıb. Münaqişə tərəfləri tutduqları mövqelərdə qalıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/et0efy

Ən çox baxılan